24. Pa ffordd yr ymranna goleuni, yr hwn a wasgar y dwyreinwynt ar y ddaear?
25. Pwy a rannodd ddyfrlle i'r llifddyfroedd? a ffordd i fellt y taranau,
26. I lawio ar y ddaear lle ni byddo dyn; ar yr anialwch, sydd heb ddyn ynddo?
27. I ddigoni y tir diffaith a gwyllt, ac i beri i gnwd o laswellt dyfu?
28. A oes dad i'r glaw? neu pwy a genhedlodd ddefnynnau y gwlith?
29. O groth pwy y daeth yr iâ allan? a phwy a genhedlodd lwydrew y nefoedd?