4. Pan oeddwn yn nyddiau fy ieuenctid, a dirgelwch Duw ar fy mhabell;
5. Pan oedd yr Hollalluog eto gyda mi, a'm plant o'm hamgylch;
6. Pan olchwn fy nghamre ag ymenyn, a phan dywalltai y graig i mi afonydd o olew!
7. Pan awn i allan i'r porth trwy y dref; pan baratown fy eisteddfa yn yr heol,
8. Llanciau a'm gwelent, ac a ymguddient; a henuriaid a gyfodent, ac a safent i fyny.
9. Tywysogion a atalient eu hymadroddion, ac a osodent eu llaw ar eu genau.
10. Pendefigion a dawent â sôn, a'u tafod a lynai wrth daflod eu genau.