1. Yna Eliffas y Temaniad a atebodd ac a ddywedodd,
2. A adrodd gŵr doeth wybodaeth o wynt? ac a leinw efe ei fol â'r dwyreinwynt?
3. A ymresyma efe â gair ni fuddia? neu ag ymadroddion y rhai ni wna efe lesâd â hwynt?
4. Yn ddiau ti a dorraist ymaith ofn: yr ydwyt yn atal gweddi gerbron Duw.
5. Canys dy enau a draetha dy anwiredd; ac yr wyt yn dewis tafod y cyfrwys.
6. Dy enau di sydd yn dy fwrw yn euog, ac nid myfi: a'th wefusau sydd yn tystiolaethu yn dy erbyn.
7. A aned tydi yn gyntaf dyn? a lunied tydi o flaen y bryniau?