35. Trannoeth drachefn y safodd Ioan, a dau o'i ddisgyblion:
36. A chan edrych ar yr Iesu yn rhodio, efe a ddywedodd, Wele Oen Duw.
37. A'r ddau ddisgybl a'i clywsant ef yn llefaru, ac a ganlynasant yr Iesu.
38. Yna yr Iesu a droes; a phan welodd hwynt yn canlyn, efe a ddywedodd wrthynt, Beth yr ydych chwi yn ei geisio? A hwy a ddywedasant wrtho ef, Rabbi, (yr hyn o'i gyfieithu yw, Athro,) pa le yr wyt ti yn trigo?