7. A'r Arglwydd a ddywedodd, Dileaf ddyn yr hwn a greais oddi ar wyneb y ddaear, o ddyn hyd anifail, hyd yr ymlusgiad, a hyd ehediad y nefoedd: canys y mae yn edifar gennyf eu gwneuthur hwynt.
8. Ond Noa a gafodd ffafr yng ngolwg yr Arglwydd.
9. Dyma genedlaethau Noa: Noa oedd ŵr cyfiawn, perffaith yn ei oes: gyda Duw y rhodiodd Noa.
10. A Noa a genhedlodd dri o feibion, Sem, Cham, a Jaffeth.
11. A'r ddaear a lygrasid gerbron Duw; llanwasid y ddaear hefyd â thrawsedd.
12. A Duw a edrychodd ar y ddaear, ac wele hi a lygrasid; canys pob cnawd a lygrasai ei ffordd ar y ddaear.