4. Os ceisi hi fel arian, os chwili amdani fel am drysorau cuddiedig;
5. Yna y cei ddeall ofn yr Arglwydd, ac y cei wybodaeth o Dduw.
6. Canys yr Arglwydd sydd yn rhoi doethineb: allan o'i enau ef y mae gwybodaeth a deall yn dyfod.
7. Y mae ganddo ynghadw i'r rhai uniawn wir ddoethineb: tarian yw efe i'r sawl a rodiant yn uniawn.
8. Y mae efe yn cadw llwybrau barn, ac yn cadw ffordd ei saint.
9. Yna y cei di ddeall cyfiawnder, a barn, ac uniondeb, a phob llwybr daionus.
10. Pan ddelo doethineb i mewn i'th galon, a phan fyddo hyfryd gan dy enaid wybodaeth;
11. Yna cyngor a'th gynnal, a synnwyr a'th geidw:
12. I'th achub oddi wrth y ffordd ddrwg, ac oddi wrth y dyn a lefaro drawsedd;