6. Oherwydd bydd plant a genhedlir o gydorwedd anghyfreithlonyn dystiolaeth i bechod eu rhieni yn nydd yr archwiliad arnynt.
7. Ond bydd y cyfiawn, er iddo farw'n gynnar, yn gorffwys mewn hedd.
8. Nid hirhoedledd sy'n rhoi ei werth i henaint,ac nid amlder blynyddoedd yw ei fesur.
9. Nage, dealltwriaeth sy'n rhoi urddas penwynni i bobl,a bywyd difrycheulyd a ddyry iddynt aeddfedrwydd henaint.
10. Yr oedd gŵr yr ymhyfrydodd Duw ynddo a'i garu;am ei fod yn byw ymhlith pechaduriaid, fe'i cymerodd ef ato'i hun.
11. Fe'i cipiodd ymaith rhag i ddrygioni wyrdroi ei ddeallneu i ddichell dwyllo'i enaid.
12. Oherwydd y mae hud oferedd yn bwrw daioni i'r cysgod,a chwirligwgan chwant yn troi pen y diniwed.
13. Yng nghyflawniad oes fer cwblhaodd hir flynyddoedd.