3. Unya miingon ang Ginoo, “Ang akong alagad nga si Isaias naglakaw-lakaw nga hubo ug nagtiniil sulod sa tulo ka tuig. Kini usa ka timailhan ug pasidaan sa Ehipto ug sa Etiopia.
4. Kay bihagon sa hari sa Asiria ang mga taga-Ehipto ug taga-Etiopia, bata man o tigulang. Bihagon sila nga hubo ug nagatiniil. Makita ang ilang sampot, ug maulawan gayod ang Ehipto.
5. Ang mga misalig sa Etiopia ug nagpasigarbo sa Ehipto malisang ug maulawan.
6. Sa panahon nga mahitabo kini, moingon ang mga Filistinhon, ‘Tan-awa ang nahitabo sa mga nasod nga gisaligan nato ug gipangayoan ug tabang aron sa pagluwas kanato gikan sa hari sa Asiria. Unsaon na man nato karon pag-ikyas?’ ”