1. Unya, gihinumdoman sa Ginoo si Sara sumala sa iyang gisaad.
2. Namabdos si Sara ug nanganak ug lalaki bisan tigulang na si Abraham. Natawo ang bata sa panahon gayod nga gitakda sa Dios.
3. Ginganlan ni Abraham ang bata ug Isaac.
4. Sa dihang walo na ka adlaw ang bata, gituli siya ni Abraham sumala sa gisugo sa Dios kaniya.
5. Nag-edad si Abraham ug 100 ka tuig sa dihang natawo si Isaac.
20-21. Wala pasagdi sa Dios si Ishmael hangtod nga midako siya. Mipuyo siya didto sa kamingawan sa Paran ug nahimo siyang usa ka mamamana. Unya, gipaminyo siya sa iyang inahan ngadto sa usa ka Ehiptohanon.