25. Gibuhat sa Dios kini nga mga mananap, ug nakita niya nga maayo kini.
26. Unya miingon ang Dios, “Magbuhat kita ug tawo nga sama kanato. Gamhan nila ang tanang matang sa mga mananap: ang nagapuyo sa tubig, ang nagalupad, ang nagalakaw, ug ang nagakamang.”
27. Busa gimugna sa Dios ang tawo, lalaki ug babaye, nga sama kaniya.
28. Ug gipanalanginan niya sila nga nagaingon, “Panganak kamo ug daghan aron malukop sa inyong kaliwatan ang kalibotan. Dumalahi ninyo kini ug gamhi ang tanang mga mananap.”
29. Unya miingon ang Dios, “Gihatag ko kaninyo ang tanang mga tanom nga adunay liso ug tanang bunga sa mga kahoy ingon nga inyong pagkaon.