41. Sunogon nila ang imong mga balay ug silotan ka nila atubangan sa daghang mga babaye. Undangon ko ang imong pagpamiga ug ang imong pagbayad sa imong mga laki.
42. Unya mahuwasan na ako sa akong labihang kasuko kanimo, ug mawala na ang akong pagpangabugho. Mokalma na ako ug dili na masuko.
43. “ ‘Gikalimtan mo kon giunsa ko ikaw pag-atiman sa dihang batan-on ka pa. Gipasuko mo hinuon ako sa imong gipanghimo. Busa ako, ang Ginoong Dios, nag-ingon nga silotan ko gayod ikaw sumala sa imong mga gihimo. Dili ba naghimo ka ug law-ay nga mga buhat dugang sa tanan mong mangil-ad nga mga binuhatan?
44. “ ‘May mga tawo nga nagasulti niini nga panultihon kanimo: “Kon unsa ang inahan mao usab ang anak.”