18. Maayo gayod nga magmadasigon kamo kanunay sa maayong butang bisan kon wala ako diha uban kaninyo.
19. Mga minahal kong anak, sama sa usa ka inahan nga nagbati, gibati ko sa makausa pa ang samang kasakit tungod kaninyo hangtod nga makabaton kamo sa kinaiya ni Cristo.
20. Dako ang akong tinguha sa pagpakig-uban kaninyo karon aron mausab ang akong hunahuna mahitungod kaninyo. Nabalaka ako pag-ayo kaninyo.
21. Pangutan-on ko kamong nagtinguha sa pagpailalom sa Balaod: wala ba kamo makadungog sa giingon sa Balaod?
22. Ang kasulatan nag-asoy nga si Abraham may duha ka anak nga lalaki, ang usa anak sa ulipon nga babaye ug ang usa anak sa babaye nga gawasnon.