Mga Panultihon 31:25-31 Ang Bag-ong Maayong Balita Biblia (RCPV)

25. Kusgan siya ug gitahod sa katawhan ug dili mahadlok sa umalabot.

26. Inubanan sa kaalam ang iyang pagpanulti ug manggiluy-on siya.

27. Kugihan siya ug kanunayng nagtan-aw sa mga kinahanglanon sa iyang banay.

28. Gimahal ug dinayeg siya sa iyang mga anak ug dayegon usab siya sa iyang bana.

29. Ang iyang bana moingon kaniya, “Daghang asawa nga buotan apan walay makatupong kanimo.”

30. Ang kaanyag sa babaye malimbongon ug dili molungtad apan dalaygon ang babayeng nagtahod ug may kahadlok sa Ginoo.

31. Dayega siya sa tanan niyang gibuhat. Angay siyang tahoron sa tanan.

Mga Panultihon 31