12. Gilisang ko ang duha ka haring Amorihanon aron maabog ninyo sila. Dili kini tungod sa inyong mga espada ug pana.
13. Gihatagan ko kamog yuta nga dili kamoy nag-ugmad ug mga siyudad nga dili kamoy nagtukod. Namuyo kamo didto ug nagkaon sa mga paras ug mga olibo nga dili kamoy nagtanom.’”
14. Mipadayon si Josue, “Busa simbaha karon ang Ginoo ug pagmatinud-anon kamo sa pag-alagad kaniya. Kalimti ang mga diosdios nga gisimba sa inyong mga katigulangan didto sa Mesopotamia ug sa Ehipto. Pag-alagad kamo sa Ginoo.