11. Pinaagi sa iyang gahom gipasidan-an ako sa Ginoo sa dili pagsundog sa buhat niining mga tawhana ug kini mao ang iyang gisulti kanako:
12. “Ayaw pagpakig-abin kanila sa ilang laraw ug ayaw kahadloki ang ilang gikahadlokan.
13. Apan ako, ang Ginoo nga Labing Gamhanan, maoy angay mong kahadlokan kay ako balaan man.
14. Ako ang imong dalangpanan ug ang bato nga kapandulan sa mga banay sa Israel ug sa Juda, usa ka lit-ag alang sa Jerusalem.
15. Daghan ang mapandol, matumba ug magupok. Malit-ag sila ug hidakpan.”