17. Ug gidungog sa Dios ang pag-ampo ni Lea. Nagmabdos siya ug nanganak sa ikalimang anak nila.
18. Miingon si Lea, “Gigantihan ako sa Dios kay gihatag ko man sa akong bana ang akong ulipon.” Busa ginganlan niyag Isacar ang iyang anak.
19. Unya nagmabdos si Lea pag-usab ug nanganak. Kini ang ikaunom nilang anak nga lalaki.
20. Miingon si Lea, “Gihatagan akog anindot nga gasa sa Dios. Karon mahalon na gayod ako sa akong bana kay unom na man ang among anak nga pulos lalaki.” Busa ginganlan niyag Zabulon ang bata.