18. Ug didto ang tulo ka anak ni Seruia: si Joab, si Abisai ug si Asahel. Kini si Asahel kusog kaayong modagan daw lagsaw.
19. Si Asahel migukod kang Abner ug wala siyay tipastipas.
20. Unya milingi si Abner sa iyang luyo ug miingon, “Ikaw ba si Asahel?”Ug mitubag siya, “Ako.”
21. Ug giingnan siya ni Abner, “Tipas ngadto sa imong tuo o sa imong wala ug patya ang usa sa mga batan-ong sundalo ug imo na ang iyang mga inagaw.” Apan wala motipas si Asahel sa iyang paglutos kang Abner.