17. Gituman sa Ginoo kanimo ang iyang giingon kanako nga kuhaon niya ang gingharian gikan kanimo ug ihatag niya kini kang David.
18. Kay wala ka man motuman sa sugo sa Ginoo ug nagdumili ka sa pagpuo sa mga Amalekanhon ug sa ilang kahayopan, gihimo kini sa Ginoo kanimo.
19. Dugang pa niini, ikaw ug ang Israel itugyan sa Ginoo ngadto sa mga Filistihanon. Ug ugma ikaw ug ang imong mga anak motipon na kanako. Itugyan usab sa Ginoo ang tanang kasundalohan sa Israel ngadto sa mga Filistihanon.”
20. Unya dihadiha natumba si Saul ug nahapla sa yuta uban sa tumang kahadlok tungod sa gisulti ni Samuel. Wala na siyay umoy kay wala man siyay kaon sa tibuok adlaw ug gabii.