6. Tungod niini kanunayng biaybiayon ni Penina si Hana.
7. Bugalbugalan siya ni Penina matag higayon nga siya moadto sa balay sa Dios. Busa si Hana maghilak ug dili mokaon.
8. Ug si Elcana nga iyang bana moingon kaniya, “Hana, nganong naghilak ka man ug dili mokaon? Unsa may imong nagul-an? Dili ba diay mas bililhon pa ako alang kanimo kay sa napulo ka anak nga lalaki?”
9. Usa ka adlaw niana, human sa ilang pagpangaon didto sa templo sa Ginoo sa Silo, mitindog si Hana. Si Eli, ang pari, naglingkod duol sa haligi sa ganghaan sa templo sa Ginoo.
10. Labihang guola ni Hana ug nag-ampo siya sa Ginoo ug naghilak pag-ayo.