5. May nagkalainlaing paagi sa pag-alagad apan mao rang Ginooha ang gialagaran.
6. May nagkalainlaing katakos sa pag-alagad apan usa ra ka Dios ang naghatag ug katakos sa tagsatagsa.
7. Adunay mga butang nga nagpaila nga ang presensya sa Espiritu anaa sa matag usa ug kini alang sa kaayohan sa tanan.
8. Ang Espiritu naghatag ngadto sa usa ka tawo ug mensahe sa kaalam, samtang sa uban naghatag siya ug mensahe sa kahibalo.
9. Usa lamang ka Espiritu ang naghatag ug pagtuo ngadto sa usa ka tawo samtang sa lain naghatag siyag gahom sa pag-ayo sa mga masakiton.