19. Si Elias miingon kaniya, “Ihatag kanako ang imong anak.” Ug gikuha ni Elias ang bata gikan sa sabakan sa iyang inahan ug gidala niya ngadto sa lawak sa itaas diin didto siya magpuyo ug gipahimutang niya sa iyang kaugalingong higdaanan.
20. Ug misangpit siya sa Ginoo, “O Ginoo nga akong Dios, imo bang gipahamtangan ug katalagman ang biyuda nga akong giabotan pinaagi sa pagpatay sa iyang anak?”
21. Unya gihap-an niya ang bata sa makatulo ug misangpit siya sa Ginoo, “O Ginoo nga akong Dios, buhia intawon kining bata.”
22. Gipatalinghogan sa Ginoo ang pangaliya ni Elias. Ug nabuhi ang bata.
23. Gialsa ni Elias ang bata ug gidala ngadto sa lawak sa silong ug gihatag sa iyang inahan. Si Elias miingon, “Tan-awa, nabuhi ang imong anak.”
24. Ug ang babaye miingon kang Elias, “Karon nasayod na gayod ako nga ikaw tawo sa Dios ug ang pulong nga imong gisulti iya sa Ginoo.”