23. Busa karon, O Ginoo, itugot nga ang imong gisulti bahin sa imong alagad ug sa iyang banay molungtad hangtod sa hangtod sumala sa imong saad ug buhata ang buot mong buhaton.
24. Ug ang imong ngalan pasidunggan hangtod sa kahangtoran pinaagi sa pag-ingon, ‘Ang Ginoo nga Labing Gamhanan, ang Dios sa Israel, mao ang Dios sa mga Israelita,’ ug ang banay sa imong alagad nga si David mahimong lig-on sa atubangan nimo.
25. Gipadayag mo, O Dios ko, sa imong alagad nga lig-onon mo ang iyang banay, busa nadasig ako sa pag-ampo kanimo.
26. O Ginoo, ikaw ang Dios, ug gisaad mo kining maayong butang sa imong alagad.