6. Ek het my byvrou se liggaam opgesny en dit deur die hele gebied van Israel rondgestuur. Die mense van Gibea het ’n afskuwelike en sinnelose ding in Israel gedoen.
7. Die hele gemeenskap van Israel moet nou koppe bymekaarsit en besluit wat om hieraan te doen.”
8. Die hele volk het saamgestaan en soos uit een mond verklaar: “Niemand mag teruggaan huis toe nie.
9. Ons sal lootjies trek om te bepaal wie Gibea eerste moet aanval.
10. Een tiende uit elke stam van Israel sal kos by die volk gaan haal vir die soldate. Al die ander sal wraak neem op Gibea in Benjamin vir die skandelike ding wat hulle in Israel gedoen het.”
11. Al die Israeliete was dit eens en het bymekaargekom om Gibea aan te val.