22. Hulle het toe vir hom gesê: “Wie is jy dan? Ons moet ’n antwoord kan gee aan hulle wat ons gestuur het. Wat het jy dan oor jouself te sê?”
23. Sy reaksie was:“Ek is ’n stem wat roep in die woestyn:‘Maak die pad van die Herereguit.’”Só het die profeet Jesaja mos reeds gesê.
24. Dié wat gestuur is, het uit die geledere van die Fariseërs gekom.
25. Hulle het toe verder by hom navraag gedoen: “Waarom doop jy dan as jy nie die Messias of Elia of die profeet is nie?”
26. Johannes se reaksie was: “Ek doop met water, maar hier tussen julle staan daar Iemand wat julle nie nou ken nie.
27. Dit is Hy wat ná my kom. Ek is nie eers werd om die riempies van sy sandale los te maak nie.”
28. Hierdie gebeure het afgespeel in Betanië, oorkant die Jordaan, waar Johannes besig was om te doop.
29. Die volgende dag sien Johannes dat Jesus na hom toe aangestap kom. Hy sê toe: “Kyk, dáár is die Lam van God wat die sonde van die wêreld wegneem.