9. “Nooit!” sê Jonatan. “As ek seker is my pa het vas besluit om jou dood te maak, sal ek jou beslis daaroor inlig.”
10. Dawid vra toe: “Wie sal vir my vertel of jou pa kwaad geword het of nie?”
11. “Kom saam na die veld toe,” sê Jonatan. Hulle gaan toe saam daarheen.
12. Jonatan sê vir Dawid: “So waar as die Here die God van Israel leef, ek sal môre hierdie tyd of oormôre met hom praat. As hy gunstig oor jou praat, sal ek jou laat weet.