10. Saul het Dawid met die spies teen die muur probeer vaspen, maar Dawid het gekoes sodat die spies in die muur vasgesteek het. Daardie nag het Dawid gevlug.
11. Saul stuur toe soldate om wag te hou oor Dawid se huis en hom in die oggend dood te maak. Maar Dawid se vrou Mikal waarsku hom: “As jy nie vannag nog vlug nie, sal jy môre sekerlik doodgemaak word.”
12. Mikal het Dawid deur ’n venster laat afsak sodat hy kon wegkom en vlug.
13. Daarna neem sy ’n huisgod, laat lê dit op die bed met bokhaar by die kop en gooi dit toe met ’n kombers.
14. Toe die soldate kom om Dawid te vang, sê sy: “Hy is siek.”
15. “Bring hom dan met bed en al sodat hy doodgemaak kan word,” sê Saul.
16. Die soldate het ingekom, en daar kry hulle ’n huisgod op die bed met bokhaar by die koppenent!