20. en hulle het spioene gestuur wat voorgegee het om onskuldig te wees sodat hulle Hom op ’n woord kon betrap, om Hom oor te lewer aan die regter en aan die outoriteit van die goewerneur.
21. Hulle het Hom gevra en gesê: “Leermeester, ons weet dat U reg praat en leer en die persoon nie aanneem nie, maar die ware pad van God leer,
22. is dit volgens die wet vir ons om aan die keiser belasting te betaal of nie?”
23. Hy het egter deur hulle listigheid gesien en vir hulle gesê: “Waarom toets julle My?