2. En ook aan Affia, ons suster in die Here.En aan Argippus, wat hard saam met ons veg in die Here se werk.Ook aan almal in die gemeente wat gereeld daar in jou huis bymekaarkom.
3. God ons Vader en die Here Jesus Christus skenk aan julle almal genade en vrede.
4. Filemon, ek dink gedurig aan jou en ek bid so baie vir jou. Ek sê elke keer vir God baie dankie wanneer ek aan jou dink, want ek hoor net die wonderlikste dinge van jou.
5. Almal praat van jou onverskrokke geloof in die Here Jesus en van jou liefde vir Hom en vir ander gelowiges.
6. Ek bid dat jou verhouding met my as jou broer in die geloof jou nog meer sal laat besef watter goeie dinge God aan ons geskenk het. Dit is ons deel omdat ons in Christus glo.