35. Die Here het my eienaar baie geseën, en hy het ryk geword. Die Here het skape en bokke en beeste vir hom gegee, en ook silwer en goud, slawe en slavinne, kamele en donkies.
36. “My eienaar se vrou Sara het ’n seun gekry toe sy al oud was, en Abraham het vir die seun alles gegee wat hy het.
37. Maar my eienaar het vir my gesê: ‘Ek woon in die land van die Kanaäniete, maar ek wil nie hê my seun moet met een van hulle dogters trou nie.’“Ek moes dit belowe.
38. Hy het vir my gesê: ‘Jy moet na my pa se familie toe gaan, na my eie mense toe, en jy moet daar vir my seun ’n vrou gaan haal.’