1. Ek het gehoor die Here praat met my. Dit was in die negende jaar, in die tiende maand, op die tiende dag van die maand. Hy het gesê:
2. “Mens, jy moet opskryf watter dag dit is, presies hierdie datum. Die koning van Babel het Jerusalem vandag aangeval.
3. Jy moet vir hierdie opstandige volk ’n gelykenis vertel. Jy moet vir hulle sê: Die Here, Hy wat Here is, sê: Jy moet ’n pot op die vuur sit, jy moet dit opsit en jy moet water daarin gooi.