12. Koning Salomo het vir die koningin van Skeba alles gegee wat sy wou hê, hy het alles gegee wat sy gevra het. Dit was meer as die goed wat sy vir die koning gebring het. Sy en haar amptenare het toe teruggegaan na haar land.
13. Salomo het elke jaar 666 talente goud gekry.
14. Hy het ook nog goud en silwer gekry van die mense wat deur sy land gegaan het, en van die handelaars en van al die konings van Arabië en van die goewerneurs in die land Israel.
15. Koning Salomo het 200 groot skilde laat maak van goudplate. Hulle het 600 sikkels goud vir elke skild gebruik.
16. Hy het ook 300 klein skilde laat maak van goudplate. Hulle het 300 sikkels goud vir elke skild gebruik. Die koning het die skilde in die houthuis gesit.
17. Hy het ook ’n groot troon laat maak van ivoor en hy het dit laat toemaak met skoon goud.
18. Die troon het ses trappe gehad, en ’n voetbank van goud was vas aan die troon. Daar was plekke waar die koning se arms kon rus op altwee kante van die sitplek, en daar was ’n beeld van ’n leeu langs elke kant.
19. Langs altwee kante van die ses trappe het twaalf beelde van leeus gestaan. Daar was nie in ’n ander land so ’n mooi troon nie.