4. Die Here sê: Julle moenie oorlog gaan maak teen julle broers nie. Julle moet teruggaan, elkeen na sy huis, want dit is Ek wat alles laat gebeur het.”Hulle het geluister na die boodskap van die Here en hulle het teruggegaan, hulle het nie vir Jerobeam gaan aanval nie.
5. Rehabeam het in Jerusalem gewoon, en hy het stede in Juda sterk gemaak.
6. Hy het die mure sterker gemaak van die stede Betlehem, Etam, Tekoa,
7. Bet-Sur, Soko, Adullam,
8. Gat, Maresa, Sif,
9. Adorajim, Lakis, Aseka,
10. Sora, Ajalon en Hebron. Dit was stede in die land Juda en Benjamin wat sterk mure moes hê.
11. Rehabeam het die mure sterker gemaak en hy het mense gekies en aangestel om in die stede te regeer. Daar was ook stoorkamers met kos, olyf-olie en wyn.