14. “Dit erken ek wel voor u: Ek dien die God van my voorvaders volgens die leer van Christus wat hulle 'n dwaalrigting noem. Ek glo nog steeds alles wat in die wet en die profete geskrywe staan.
15. Ek het my hoop op God gestel, en net soos hulle verwag ek dat alle mense, goeies en slegtes, uit die dood sal opstaan.
16. Daarom doen ek ook my uiterste bes om altyd 'n skoon gewete voor God en die mense te hê.
17. “Na baie jare het ek teruggekom om my mense met 'n geldelike bydrae te help en om aan God te offer.
18. Toe ek met die offers besig was, het hulle my in die tempel gekry. Ek was klaar met die reinigingshandeling, en daar was nie 'n skare of 'n gedrang om my nie.