1. ’n GEBED van ’n ellendige as hy beswyk en sy klagte uitstort voor die aangesig van die Here.
2. o Here, hoor my gebed, en laat my hulpgeroep tot by U kom!
3. Verberg u aangesig nie vir my op die dag as ek in benoudheid is nie; neig u oor tot my; op die dag as ek roep, verhoor my gou!
4. Want my dae verdwyn soos rook en my gebeente gloei soos ’n vuurherd.
5. Platgeslaan soos die plante en verdor is my hart; want ek vergeet om my brood te eet.