46. EN terwyl Hy nog met die skare spreek, staan sy moeder en broers daarbuite en wou graag met Hom praat.
47. Toe sê iemand vir Hom: Dáár staan u moeder en u broers buite en wil graag met U praat.
48. Maar Hy antwoord en sê vir die een wat Hom dit vertel het: Wie is my moeder? En wie is my broers?
49. En Hy steek sy hand oor sy dissipels uit en sê: Dáár is my moeder en my broers.
50. Want elkeen wat die wil doen van my Vader wat in die hemele is, dié is my broer en suster en moeder.