40. Daarop neem hy sy staf in sy hand en soek vir hom uit die spruit vyf gladde klippe uit en steek dit in sy herderstas wat hy gehad het, naamlik in die slingersak; en met sy slinger in sy hand het hy nader gekom na die Filistyn.
41. Ook die Filistyn het al nader en nader gekom na Dawid, en die skilddraer voor hom uit.
42. Toe die Filistyn opkyk en Dawid sien, het hy hom verag, omdat hy ’n seun was — rooierig, met ’n mooi voorkoms.
43. En die Filistyn vra vir Dawid: Is ek ’n hond dat jy met stokke na my toe kom? En die Filistyn het Dawid vervloek by sy gode.
44. Verder sê die Filistyn vir Dawid: Kom na my toe, dat ek jou vlees aan die voëls van die hemel en die diere van die veld kan gee.